愈氹愈fail！？

#藥劑科 #UNDERSTANDING

「對唔住呀！我知錯啦~」「笑返啦！錫返啦！」上述的對白，情侶/夫婦們應該都好熟悉，相信男士們都會講過吧，但師兄們都應該知道作用不大......

正所謂要「對症下藥」，如果另一半正在發怒，在未弄清情況下便急急腳開聲氹，都未回應到嬲咩，當然會令人懷疑係咪只想快啲撲熄火頭，HEA住氹、唔知錯，最後就越氹越嬲！

情緒其實可以分為「表層情緒」(Secondary Emotions) 及「深層情緒」(Primary Emotions)。「憤怒」是常見的「表層情緒」，用以調節及保護「深層情緒」；「深層情緒」是原發的脆弱感受，如：傷心、委屈、羞愧。

就用以下例子，講講安撫情緒的5個原則啦！

例子: 丈夫放工後，在沒有通知太太的情況下和朋友踢波，遲了歸家，回家後太太黑哂面，只見飯枱上涼了的飯菜。

(1) 反映觀察：用言語直接表達察覺到對方的狀態。如：「你面色好似唔係好好咁既？」、「唔舒服呀？」，讓對方知你有留意她。

(2) 認清「表面情緒」：從表情、回應態度及語氣，理解對方的表面情緒，通常為不滿、憤怒：「BB，你係咪嬲緊我呀？」

(3) 聆聽引發「表面情緒」的觀念：可能老婆話：「我打咗好多個電話俾你啦！你都唔聽！我驚你發生咩事呀！」

(4) 認清「深層情緒」：不只聽說話的表面字眼，要理解當中所表達的感受。從上句得知，原來嬲嘅背後係擔心！

(4) 不解釋、不講理：「情緒」事情用「情緒」解決，不要說：「我而家咪冇事、返咗嚟，唔洗驚啦」

(5) 回應「深層情緒」：清楚表達讓對方知道你明白，聽到也聽懂內心感受：「我聽到你原來好擔心我，我之後會留意避免你再擔心的。」

真正能夠安撫情緒的，是被耹聽、被明白的感覺。過程中，夫婦彼此亦可以加深對對方感受及想法的了解。化解矛盾之餘，更能促進彼此關係！

————————————————
立刻follow @relationship.univ 開課
閱讀更多:www.re-u.caritas.org.hk