感情問題一律建議分手？

當有人向網友請教感情問題，不難發現很多網友都會踴躍回覆：「感建分！(感情問題一律建議分手)」

網上充斥了「唔夾就分手啦」「相處唔到就唔好晒時間，早啲搵過個仲好啦！」的言論，但我則認為一段關係涉及兩個人，即係兩個腦，又真係唔會無時無刻都能夠同步㗎喎。加上，兩個人來自兩個家庭，受著不同的教養方式及價值觀所影響，就算好多嘢嘅諗法都好相近，點都總會有差異嘅地方。

咁點算好？

其實，要檢視一段關係可否走得更遠，除了看對方，亦要看自己！

到底…自己是否只看到對方的缺失、一心想對方改變、想對方做好？
到底…有沒有了解過對方的行為及其背後的想法？到底…有沒有了解過對方的困難及限制？
說到底如果未準備好接受和自己想法有不同的人，都係時候諗諗自己其實預備好走入兩個人嘅世界未。

當然，在親密關係中彼此是對等的。若果對方我行我素、沒想過要去了解你的需要、又冷處理大家之間的矛盾，可能對方也未預備好進入親密關係呢。

客觀而言，Perfect Match只會在童話故事中才會出現。但請細想縱然彼此不同，但願意互相理解、一齊去搵方法相處嘅，呢個咪就係Perfect Match囉，唔一定有分歧就「感建分！」~